Дархан Хоггүй Ирээдүй НҮТББ нь Ус, хог хаягдал, эрчим хүчний чиглэлийн (нийгмийн дэд бүтцийг бий болгох) зорилтот төслийн шалгаруулалтад амжилттай оролцон шилдэг 2 төслийн нэгээр шалгаран 100’000’000 хүртэлх төгрөгийн санхүүгийн болон техникийн дэмжлэг авах гэрээ үзэглэв. 

Уг төслийн зорилго нь “Хог хаягдлын менежментийн мастер төлөвлөгөө 2022-2032”-т тусгагдсан Дархан сумын бүх зорилтот бүлгийн иргэд, олон нийтэд ногоон хэрэглээний соёл, хог хаягдлын талаарх боловсрол олгох, соён гэгээрүүлэх, эх үүсвэр дээр хог хаягдлыг зөв ангилан ялгах мэдлэг, дадал соёлыг төлөвшүүлэх, иргэдийн эрүүл аюулгүй , цэвэр орчинд амьдрах нөхцөлийг бүрдүүлэх, амьдралын чанарыг сайжруулах зорилтыг хэрэгжүүлэх, “Жишиг хороолол”-ыг бий болгох. 

Оролцогч талууд: Европын холбооны санхүүжилттэй Найрамдал төсөл болон Дархан Хоггүй Ирээдүй НҮТББ 

Төслөөс гарах үр дүн : Энэхүү төслийг хэрэгжүүлснээр Дархан хотын хог хаягдлын менежментийг сайжруулах , шинэ түвшинд гаргах үндэс суурь тавигдах бөгөөд Дархан хотын нийт иргэдийн оролцоонд суурилсан нийгмийн сайн сайханд зориулагдсан орон нутгийн эдийн засаг болон ногоон хөгжилд дэвшил авчрах үр өгөөжтэй юм. Цаашлаад тогтвортой хөгжлийн зорилтуудыг хангах суурь нөхцлийг бий болгоно.Мөн Хог хаягдлыг ангилан ялгах, дахин ашиглах, дахин боловсруулах үйлдвэрлэл, үйлчилгээний түүхий эдийн нөөц нэмэгдэнэ. 

Үр шим хүртэгчид: Төслийг хэрэгжүүлэх Дархан сумын 9, 10 дугаар багийн иргэд, өрх болон аж ахуй нэгж байгууллагууд нь шууд үр шим хүртэгч бөгөөд хэрэгжүүлэх боломжийг үлгэрлэн харуулснаар Дархан сумын бусад багийн иргэд хоггүй орчинд амьдрах боломж бүрдэх юм. 

Ажлын явц : “Баялаг цэг” байгууламжийг барих, угсрах ажлыг хийж гүйцэтгэн үйл ажиллагааг эхлүүлээд байна. Зорилтот байрны 260 айл өрх, ААН-д Баялаг цэгийн хаалганы чип, хог ангилах гарын авлага, төслийн танилцуулга бүхий боршур хүлээлгэн өгч,зорилтот байрны өрх бүр “Баялаг цэг”-ийн талаар мэдээлэл авч, хогоо ангилж хийж эхэлсэн. айл өрхүүд хогоо ангилан хийж эхлээд байна.