Боловсрол, судалгаа, шинжлэх ухаан, технологи, инновац, хөдөлмөр эрхлэлт 

Бүс нутгийн төслийн хамтын ажиллагаа, бодлогоос суралцахуй 

Хот, бүс нутаг, ЖДҮ-ийн кластер хөгжил, хамтын ажиллагаа 

Уур амьсгалын өөрчлөлт, тогтвортой хотын эдийн засгийг хөгжүүлэх, ногоон санхүүжилт 

ДЕФ-ын гүйцэтгэх хорооны анхдугаар хурал Хорват улсын Риека хотноо 2022 оны 11 дүгээр сарын 4-ний өдөр гишүүдийн 90 хувийн ирцтэйгээр, танхим болон цахим хосолсон хэлбэрээр амжилттай зохион байгуулагдлаа. Уг хуралдаанаар төслийн танилцуулга, зорилго, үйл ажиллагааны хүлээгдэж буй үр дүн, ДЕФ-ын бүтэц, зохион байгуулалт, гишүүнчлэл, Төслийн гарааны төлөвлөлт үнэлгээний тайлангийн (ТГТҮТ) – танилцуулга, цаашид хийж хэрэгжүүлэх ажлууд болон дараагийн авах арга хэмжээ зэргийг хэлэлцлээ. 

Төслийн хүрээнд зохион байгуулагдах хамтын ажиллагааны уулзалтууд нь инновац, ногоон хот, бизнес эрхлэлтийг дэмжих болон тогтвортой, тэгш хүртээмжтэй, шинэлэг өсөлтийг хангахын тулд гарааны бизнесийг хурдасгах зэргийг чухалчлан авч үзнэ. Эдгээр уулзалтууд нь олон улсын мэргэжилтнүүдийн дэмжлэгтэйгээр Европын Холбоо болон Монгол Улсын оролцогч талуудын хооронд бизнес, хөрөнгө оруулалт, бодлогын асуудлаар яриа хэлэлцээр хийх боломжийг бүрдүүлж байгаа юм. Хамтын ажиллагааны уулзалтын нэг чухал ач холбогдол нь Европын Холбоо, Дархан хотын олон улсын мэргэжилтнүүд, бодлого боловсруулагчид, бизнес эрхлэгчид, агентлагууд Монгол Улсын бизнес, бодлогын орчны талаар нэгдсэн ойлголттой болсноор илүү таатай орчныг бүрдүүлэх явдал юм. Хуралдаанаар гүйцэтгэх хороо, салбар хороо, ажлын албаны бүх гишүүдийг баталж, гүйцэтгэх хорооны дарга, нарийн бичгийн дарга нарыг томиллоо. 

ДЕФ-ын гүйцэтгэх хорооны анхдугаар хурал Монгол улсын Дархан хотноо 2023 оны 14 дүгээр сарын 4-ний өдөр гишүүдийн 90 хувийн ирцтэйгээр, танхим болон цахим хосолсон хэлбэрээр амжилттай зохион байгуулагдлаа. Энэ удаагийн уулзалт нь Монгол Улсын Засгийн газраас Дархан-Уул аймгийг анхны жишиг ухаалаг хот болгоно гэж зарласантай холбогдуулан зохиогдсон нь ач холбогдолтой байв. 

Энэ удаагийн хурлаар Найрамдал төслийн Бодлогын мэргэжилтэн Г.Нацагдорж "Ухаалаг хотын концепц"-г танилцуулав. Мөн Зүүн Өмнөд Европын Нутгийн Удирдлагын Консорциумын (ЗӨЕНУК) Ухаалаг хот, цахимжилт хариуцсан мэргэжилтэн Яана Андревска Белчева болон Европын Холбооны төсөл хариуцсан мэргэжилтэн Иоким Рот нар Ухаалаг хот Инновацын талаар илтгэл танилцуулж Дархан хотыг ухаалаг хот болон шилжихэд хамтран ажиллахад бэлэн гэдгээ илэрхийлэв. 

Дархан Европын бүс нутгийн форумын гүйцэтгэх хорооны гурав дах удаагийн хурал  Бүгд Найрамдах Турк Улсын Истанбул хотын Истанбул Конгресс төвд “Уур амьсгалын ээлтэй, байгалийн гамшигт тэсвэртэй, тогтвортой хотыг бий болгох” сэдвийн дор танхим болон цахимаар хослон 2023 оны 10 сарын 07-нд амжилттай зохион байгуулагдлаа. Энэ удаагийн хуралд Дархан-Уул аймгийн төлөөлөл, онцгой байдлын комиссын гишүүд, Зүүн Өмнөд Европын Нутгийн Удирдлагын Консорциумын (ЗӨЕНУК) төлөөлөл болон ДЕФ-н гүйцэтгэх хороо болон 5 салбар хороодын гишүүд оролцов.  

Истанбулын Гал унтраах албаны үйл ажиллагаа хариуцсан дэд дарга Юсуф Доган Гүрэр зочин илтгэгчээр оролцож Турк улсын эрт сэрэмжлүүлгийн систем, уур амьсгалд ээлтэй нийгмийг бий болгох талаар тухайн бүс нутгийн талаар сайн туршлагуудыг хуваалцав. Мөн Дархан-Уул аймгийн Гамшгийн эрсдэлд өртөмтгий байдал, онцгой байдлын менежментийн талаар Дархан-Уул аймгийн Гал түймэр унтраах, аврах 54 дүгээр ангийн салааны захирагч, ахмад Б.Мөнгөншагай илтгэл танилцуулав. ЗӨЕНУК-н мэргэжилтэн Иоким Рот болон Миодраг Колич нар Гамшгийн дараах эдийн засгийн хямралын менежмент болон “COVALEX” нийгэмлэгийн сайн туршлагуудыг танилцуулав.   

Энэхүү хурлаар байгалийн болон хүний үйл ажиллагаанаас үүдэлтэй гамшгийн бэлэн байдал, эрт илрүүлэх болон сэрэмжлүүлэх тал дээр Турк Улс болон Монгол Улс, Дархан-Уул аймгийн хэмжээнд цаашдын хамтын ажиллагаа болон туршлага судлах талаар хэлэлцэв. 

Дархан Европын бүс нутгийн форумын гүйцэтгэх хорооны дөрөв дэх удаагийн хурал Бүгд Найрамдах Словени Улсын Любляна хотод “Тогтвортой хөгжлийн зорилгыг нутагшуулах, нийгмийн тэгш хүртээмжтэй байдал болон сайн засаглал” сэдвийн дор танхим болон цахимаар хослон амжилттай зохион байгууллаа. Энэ удаагийн хуралд Дархан-Уул аймгийн удирдлагуудын төлөөлөл, Зүүн Өмнөд Европын Нутгийн Удирдлагын Консорциумын (ЗӨЕНУК) төлөөлөл, ДЕФ-ын гүйцэтгэх хороо болон 5 салбар хорооны гишүүд оролцов.  

Зүүн Өмнөд Европын Нутгийн Удирдлагын Консорциумын мэргэжилтэн Боран Иваноски зочин илтгэгчээр оролцож Нийгмийн тэгш хүртээмжтэй оролцооны талаар сайн туршлагуудыг онцлов. Мөн ЗГХЭГ-н харьяа Төрийн бүтээмжийн ажлын албаны дарга, ДЕФ-ын салбар хорооны гишүүн О.Энхзул Монгол улс дахь Сайн засаглалын чиглэлээр илтгэл танилцуулсан бол Зам тээврийн яамны төслийн мэргэжилтэн, ДЕФ-ын салбар хорооны гишүүн Г.Оюунцогт Тогтвортой хөгжлийн зорилгыг нутагшуулах тэр дундаа Нүүрстөрөгчийн зах зээлийн боломжийн талаарх илтгэлийг хурлын оролцогчдод хуваалцав.   

Мөн энэхүү хурлаар ДЕФ-ын гүйцэтгэх болон салбар хороодын гишүүдийн оролцоог нэмэгдүүлэх,  цаашид Дархан-Уул аймаг болон бүс нутгийн хэмжээнд хэрэгжүүлэх боломжтой төсөл хөтөлбөрийн саналыг хэлэлцэх, хэрэгжүүлэх талаар хэлэлцэв. 

Дархан-Уул аймагт болон бүс нутагт хэрэгжих боломжит төслийн саналуудыг ДЕФ-ын нийт гишүүдээс авах, цаашид хэрэгжүүлнэ. 

Зүүн Өмнөд Европын Нутгийн Удирдлагын Консорциумын бэлтгэн гаргасан ТХЗ-ыг нутагшуулах гарын авлагыг Монгол хэл рүү хөрвүүлэх, бусад орон нутагт нэвтрүүлнэ. Үүнийг Монгол улсын хотуудын холбогоор дамжуулж үүнийг төсөл болгон хэрэгжүүлж ажиллана.   

2022 онд Дархан-Уул аймгийн ЗДТГ болон Зүүн Өмнөд Европын Нутгийн Удирдлагын Консорциумын, Дархан ХААИС, Харилцан ойлголцлын санамж бичиг байгуулсан. Энэ санамж бичгийн хүрээнд ЗӨЕНУК-ын “E-learning” цахим сургалтад ДУА-ын төрийн албан хаагчдыг хамруулах, сургах зорилготой юм. Энэхүү ажлыг цаашид үргэлжлүүлэн “E-learning” цахим сургалтад  Монгол хэл рүү хөрвүүлж төрийн албан хаагчдыг сургалтад хамруулна.